الوصفه دي شفتها في برنامج اجنبي عن الطبخ وقررت انفذها مع بعض التعديلات الطفيفه الحقيقه طلعت معايا تجنن يارب تعجبكم بس ركزوا في المقادير كويس ...وكل سنه وسوبرماما طيبين وبخير يارب افوز معاكم
المقادير:
مقادير الكيك : 210 جرام دقيق منخول 2 بيضه كيس بيكنج بودر كيس فانيلا 100 مل حليب 100 مل زيت مقادير البودنج : نصف لتر حليب معلقه كبيره نشا معلقه كبيره كاكاو خام 100جرام سكر معلقه كبيره موزه 50جرام شيكولاته مبشوره
الطريقة:
الطريقه بالنسبه لعمل الكيك : اول حاجه اضربي البيض والسكر لمده 7 دقايق وضيفي الحليب والزيت والسكر والفانيلا وذره الملح والبيكنج بودر واضربيهم في الخلاط لحد مايتجانس الخليط يعني لمده دقيقتين كده,,, بعد ماتضيفي الدقيق ماتضربيش الخليط كتير والا هتنشف منك الكيكه وحطيها في الصنييه (لاااااااااااازم صنييه تارت موجوده في كل محلات الادوات المنزليه لان بيكون في شكل زي حفره كده وده مكان الحشو بتاعنا ) وتدخليها الفرن علي درجه حراره 170 لمده ربع ساعه ... الطريقه للبودنج : في حله علي النار حطي السكر والكاكاو والنشا واخلطيهم بالمعلقه نص دقيقه وضيفي اللبن وحركي الخليط لحد مايغلي ساعتها ضيفي الموزه وتكوني ضربتيها بشوكه الاول والزبده والشيكولاته واخلي علي النار لمده 5 دقايق لو كلكع منك بسبب الموزه حطيه في خلاط او هاند بلندر وخلاص كده البودنج جاهز حطيه علي الكيك وسيبيه في الثلاجه لمده ساعتين والف هنا