تقدم الشيف نشوى الحلواني لـ" المغرب اليوم" طبق الافطار وهو " معكرونة بالباشميل" كالتالي:

المقادير

كيلو لبن

1/2 كيلو معكرونة قلم

1/4 كيلو لحمة مفرومة

علبة كريمة لباني

بصلة مبشورة

ملح فلفل اسود بهارات

2 طماطم مضروبة فى الخلاط

قطعة زبدة حوالى معلقة كبيرة

1/4 كوب جبنة موتزاريلا

1 كوب دقيق

الطريقة

نغلي مية ورشة ملح ونسلق المكرونة نص سلقة ونصفيها بدون غسيل ونعصج اللحمة نسخن حلة وننزل بالزبدة والبصل المبشور ورشة فلفل اسود وبهارات ونشوحهم ثم ننزل باللحمة المفرومة ونقلبها لحد ماتتشرب الصوص وننزل بالطماطم ونقلب ونسيبها لم تنشف الصوص وننزل برشة فلفل اسود والملح

البشاميل

فى الخلاط نضرب اللبن مع كوب الدقيق ورشة فلفل ابيض ورشة ملح وننزل بالخليط فى حلة على النار ونقلب لحد مايتقل ثم ننزل بنص  الكريمة الباني ونقلب ثم نقلب نص البشاميل مع المعكرونة وننزل بنص المكرونة ثم العصاج ثم المكرنة ثم البشاميل وعلى السطح باقى الكريمة الباني وشوية جبنة موتزاريلا وتدخل الفرن على درجة حرارة 220 لمدة 45 دقيقة