مستحيل
مستحيل هانساك عشان
جوه قلبي لك مكان
بس وحياه اللي بينا
مش هاسيبك مهما كان
يلي قلبي حس بيك
من حنان نظره عينيك
من رموشك واللي فيهم
سحر بيقربني ليك
من ساعات خوفك عليا
لما كنت باغيب شويه
واما بارجع وتلاقيني
نني عيني بيناجيك
تلقى روحي مشتقالك
عارفه سكتها ومكانك
وانت ترويها بحنانك
ويا ضمه من ايديك
قلبي يرقص جوه مني
والشفايف ليك تغني
كل نغمه تقول بحبك
يلي عمري شوقه فيك
يلي ف بحورك غريق
وابتسامتك ميت طريق
لسه عاوز ايه دليل
مش هاسيبك مستحيل
مستحيل