دافع الفنان محمد إمام عن الفنان أحمد الفيشاوي بعد الهجوم الشديد الذي تعرض له بسبب لفظ صدر منه أثناء حفلة مهرجان الغونة السينمائي في دورته الأولى.

وكتب إمام عبر صفحته على "فيسبوك" قائلا :"أنا بحب أحمد الفيشاوي، مشكلة أحمد انه عايش بدماغ غربي في مجتمع شرقي متحفظ جدًا، بيغلطوا اه بس مايحبوش اللي بيحبوهم يغلطوا، انا عشت مع أحمد أيام في بيت الاستاذ فاروق الفيشاوي ومدام سمية الالفين وماشفتش منهم غير كل حب".

وأضاف:"الأستاذ فاروق من ألطف الشخصيات اللي ممكن تشوفها في حياتك، ومدام سمية من أجمل الأمهات ده غير ان أول مسلسل ليا في حياتي كان مع الاتنين دول، وعلى فكرة أحمد الفيشاوي ده من أقوي الممثلين اللي في مصر، سيبوه يعيش حياته زي ما هو عاوز وانتوا عيشوا حياتكم زي مانتوا عاوزين"، وتابع :" البوست ده مش دفاعًا عن أحمد، هو فعلًا غلط واعتذر، بس كان في كلمتين لازم اقولهم بحق العيش والملح والعِشرة اللي بينا."