انضمّت الفنانة ياسمين رئيس إلى قائمة ضحايا سخرية الجمهور من الفنانات الموجودات في فعاليات الدورة الثانية من مهرجان الجونة، وقررت إغلاق خاصية التعليقات عبر حسابها على موقع "إنستغرام"، ووجهت رسالة حزينة إلى جمهورها عبر موقع "تويتر".

وتلقّت رئيس مثل زميلاتها العديد من التعليقات الساخرة والجارحة بسبب "الرفاهية المبالغ فيها" للفساتين والإطلالات مقارنة بالوضع الاقتصادي المتدهور لعامة الشعب المصري، وردت على هذه النقطة عبر رسالة مطولة وقالت: "صباح الخير ويا ريت الناس تهدا شوية علشان خلاص والله أنا تعبت نفسيا مش عارفة المفروض الواحد يتشتم ويسكت يعني؟".

وتابعت قائلة: "أنا اضطريت أقفل خاصية التعليقات على "إنستغرام"، بسبب الطاقة السلبية في تعليقات من الناس على حاجات زي إن الناس جعانة وإنتم فرحانين، افرحوا بكره ترقصوا في جهنم".

وأضافت: "حرام عليكم كفاية، إحنا بشر زيكم، خلاص بقيتم متأكدين أوي إن إحنا محصنين ضد النكد والهم والأمراض، كل واحد عنده على فكرة مشاكله، وطول عمر الدنيا فيها فقر ومرض وموت وحروب وشر وفيها في نفس الوقت حب وفرح وخير وأطفال بتتولد في وسط كل ده تعمر من جديد وهي دي الحياة وهتفضل كده".

واختتمت رسالتها قائلة: "ماتشيلنيش أنا مسؤولية كل مشاكلك في الحياة علشان فرحتلي شوية في فيديو أو صورة أو سفرية أنت ماتعرفش أصلا كواليسها إيه".