هاجم منظم الحفلات وليد منصور فريق شارموفرز بعد تقديمهم حفلاً غنائيًا مع المطرب تامر حسني في الجامعة الأمريكية وأعلن عن عدم تعامله مرة آخرى معهم.

ويرجع ذلك بسبب قيام بهاء أحد أعضاء الفريق بوست نشر بوستر الحفل قبل الحفل بيوم على صفحات التواصل، اعتراضًا منه على تعظيم صورة تامر حسنى وتصغير حجم صورة "مسار إجباري و شارموفرز" بشكل مهين وملحوظ، ورغم اتفاق الأطراف في عقد الحفلة على عدم نشر" ارت وورك" أي بوسترات دعائية للحفل، إلا بعد الرجوع للفرقتين وأخذ رأيهم، وهو ما لم يحدث.

وكتب وليد عبر صفحته على موقع التواصل الاجتماعى فيسبوك قائلا : "طول عمري مش بحب أو بكره في شغلي تنظيم الحفلات وبجد دايمًا أقول الشغل مفيهوش عواطف علشان تنجح الحمد لله ماشية كويس الحفلات وأنا دايمًا كنت أكتر واحد بيحاول يكون متجدد حتي مع ظهور الأندرجراوند، كنت أكتر واحد بحاول ادعم واشتغلت معاهم كلهم وكنت شايف نجاحهم وفي فن بجد واحترام زي كايروكي وسط البلد مسار اجباري وكتير".

وأضاف :"بس ظهر فريق نجح واشتغل كتير معايا شارموفرز وكانت علاقتي بيهم طيبة جدًا لحد ماشوفت قبل حفل جامعة الأمريكية بوست غريب من أحد أفراد البند وأهمهم بيقول كلام غريب علي نجم كبير جدًا وفي فجوة زمنية بينه وبين النجم الكبير تامر حسني، مع أن تعليقه ده أساسًا مش في محله علشان فرق الحجم والنجومية بينه وبينه زي الفرق ما بين العربية البوجاتي وتويوتا وزعلت أكتر أن ناس فاكرة إن لما تعمل أغنية أو اثنين وينجحوا شوية يبقي هو كده من حقه يقول كلام علي ناس مفيش مقارنة أساسًا بينهم وبينه".

واختتم قائلاً :"ودي يمكن أول مرة آخد قرار كده إن شركتي لن تتعاون مجددًا من فريق شارموفرز في أي من حفلاتي مجددًا".